తక్కువేమి మనకు* అను చరణము తో
*సీసమాలిక*
తక్కువేమి మనకు? దనుజ సోమకుని జంపిన మత్స్య రూపుడు వెలుగు జూప!
తక్కువేమి మనకు? దమనుండు కూర్మావతారుడై దయ జూప ధరణిపైన!
తక్కువేమి మనకు? దానవారి వరాహమూర్తియై దరిజేర ముదిఁమి నందు!
తక్కువేమి మనకు? చెక్కలుగ హిరణ్యకశిపుని జీల్చిన కపిలుడుండ!
తక్కువేమి మనకు? ఒక్కడుగున భువిఁ గొల్చిన వామనుఁ కూర్మి నిడగ!
తక్కువేమి మనకు? దండించ క్షత్రియుల పరశురాముడై రక్తుడుండ !
తక్కువేమి మనకు? ధరలో దశరథ నందనుడు తమ్ముని గూడి దరికి జేర!
తక్కువేమి మనకు? దయ గల బలరాముఁ మనబలమై యుండ మండలమున!
తక్కువేమి మనకు? తన మాయలెల్ల జూపంగను కృష్ణుడు ప్రక్క నుండ!
తక్కువేమి మనకు? ధరణి భారము ద్రుంచు కల్క్యావ తారుడు కరుణ జూప!
తక్కువేమి మనకు? చిక్కిన చిన్మయ రూపుడు చింతలు బాపగ మరి!
తక్కువేమి మనకు? ప్రక్కన తోడుగ వానర సేనతో వరలు చుండ!
తక్కువేమి మనకు? దిక్కని నమ్మిన వారిని నిక్కము జేరుచుండ!
తక్కువేమి మనకు? అక్కఱ గండడు సద్భక్త తతులకు శక్తి నిడగ!
తక్కువేమి మనకు? ధరణీభృతుడు భక్త వరుల గాచ శరము బట్టి యుండ!
తక్కువేమి మనకు? మక్కువ తోడను కన్నతండ్రి వలెను కామ్యములిడ!
తక్కువేమి మనకు? రాము డొక్కడున్న
జాలు తలపున కలతలు సద్దుమణుగు
విషము జిమ్ము కరోనయే విధిని వేడు !
మదిని నిలుపు సుధాముని మరులు గొనుచు!
No comments:
Post a Comment