అపంచ వర్గీయము (క చ ట త ప రహితము)

కందము
సారస విరి సాయ! సరస
వైరి హర! యశస్వి వరలు వాళి విహారీ!
సారా ! శ్రీవర! లావరి!
శూర! యరయు శేషసాయి! సురవర! శౌరీ!

అర్థం :- సారస విరి సాయ = తామర పూ బాణమా ,
సరస వైరి హర = ప్రక్కన నుండు శత్రు సంహార, యశస్వి వరలు=కీర్తితో ప్రకాశించు, వాళివిహారీ = గోవుల బాటను విహరించు వాడ, సారా = శ్రేష్ఠా , రిరక్షు = రక్షించు వాడవు,
లావరి = బలవంతుడా , శూర = రణము చేయ ఆశక్తి గల వాడ, శేషసాయి= సర్పరాజ ప్రభువా , సురవర= దేవతలలో శ్రేష్ఠా, శౌరీ= కృష్ణా! అరయు! = కాపాడు ,

భావము :- తామర పువ్వు వంటి సుకుమారమైన వాడ,
దరి నుండు శత్రు సంహారుడవు, కీర్తితో ప్రకాశించుచు,గోవుల బాటను విహరించు వాడ, అందరినీ రక్షించు వాడవు, బలవంతుడవు, శత్రు తతిని దునుమ రణము చేయ ఆశక్తి గల వాడ,శేషుని ప్రభుడవు, దేవాదిదేవ! రక్షింపుము.