బ్లాగు వీక్షకు లేల్లరికి శుభోదయం !
శ్రీ యడ్ల రామదాసు గారి భక్తిపాట
==============*===============
నాద నామ క్రియ రాగము = ఆటతాళం
వాద భేదము మానరా! మన మొచ్చినది పొరుగూరు రా ! ఈ పక్షి దెల్పిన మాట లన్నియు తక్షణం యోచించ రా !! దీని !!
ప్రాకటముగ నమ్మరా! ఈ లోక మంతయు మాయ రా ! రాక పోకలు లేని చోటను! రాజువై కూర్చుండ రా !! దీని !!
మాయ మాటలు మానరా ! యిది మట్టి బొమ్మని తెలియరా ! దేవుడే యీ పాడు ఘటమునకు ! జీవు డాయెను చూడ రా !! దీని !!
అడవి పందులు మూడు దనతో ! ఆటలాడెను జూడరా ! కాచి యున్న కాకి పిల్లను! గుటుకుమని దిగ మ్రింగె రా ! ! దీని !!
మదపు టేనుగు లారు జోడు! పొదల చాటుకు జేరె రా ! ఈ గుట్టు తెలిసిన గ్రుడ్లా గూబ గుటుకు మని దిగ మ్రింగె రా ! ! దీని !!
తొమ్మిదీ కాలువల చెరువు లో !దున్నలై పరుండె రా ! చెరువు వొడ్డున నున్న! కొంగ చేప లన్నిటిని మ్రింగె రా !! దీని !!
కొండ చిలువలు రెండు గూడి ! మొండి కెత్తెను జూడ రా! గండు చీమొకటోచ్చి రెంటిని ! గరచి తిన్నగ ద్రిప్పెరా !!దీని !!
కన్నులకు గనపడదురా! సద్గుణము సాహసు రాలురా ! మేరు శిఖరము చాటు నుండి! యెగురు చున్నది జూడరా !!దీని !!
దీనిని గ్రహించుటకు దుష్టులకు !వశ మవదు రా ! నేను నినను భేదము డిగిన! దీని గనుగొన నెంత రా!! దీని !!
ధరలో శ్రీ కాకినాడ పురము నను కాపురము రా ! గురు మాట తెలిపిన శ్రీ యడ్ల రామదాసుని వర కవిత్వము దెలియ రా !! దీని !!
No comments:
Post a Comment