బ్లాగు వీక్షకు లేల్లరికి శుభోదయం !
శ్రీ నేమాని గురుదేవులకు వినమ్రవందనములతో.....
శ్రీ కృష్ణ - గోపికా సంవాదము
కొంచె మైనను జాలి లేదులె గోప బాలుని కేల నో !
గాంచ కుండిన మానసమ్మున గాయ మాయెను జూడ రా !
పంచ దారను జివ్హ యెందుకొ వంచ కుండెను మాధవా !
మంచి మాటను జెప్ప కుండిన మాయ గాడివి మాధవా ! 1!
కట్టి వేసెను రాతి బండకు కష్ట మాయెను గోపికా !
వట్టి మాటలు కావు కావివి పట్టి జూడవె గోపికా !
పట్టి జూడక నీవు నిల్చిన బాధ హెచ్చెను గోపికా !
రట్టు జేయక చెట్టు వద్దకు రమ్ము రమ్మిక గోపికా ! 2!
మాయ గాడివి పొమ్ము పొమ్మిక మాయ మాటలు వద్దికా !
మాయ జేయుట నేర్చి యుండిన మంత్ర గాడివి మాధవా !
మాయ లందున మోస పోతిని మంచి వాడివి కాదు రా !
మాయ మాటల తోడ నామది మార్చ లేవుర మాధవా ! 3!
వద్దు వద్దిక దొడ్డ మాటలు వద్ద నిల్చితి గోపికా !
రద్దు జేయక ముద్దు మాటలు రమ్ము వేగమె గోపికా !
వద్ద నిల్చితి జూడ మంటిని వాజ్య మేలను గోపికా !
ముద్దు మాటలు శూన్య మైనను ప్రొద్దు పోవదె గోపికా !4!
తోడ నుండిన కూర్మి నొందితి, దూర మైనను మాధవా !
గోడ నైతిని వాడ వాడల గూర్మి నొందక మాధవా !
వీడు చుంటిని వాద మెల్లను వీడ వద్దుర మాధవా !
వీడి యుండుట వల్ల కాదుర వేడు చుంటిని మాధవా !5!
No comments:
Post a Comment