అంబురూహ గర్భ సీసము మాలిక

అంబురూహ గర్భ సీసము మాలిక

రావణ మర్థన రాజిత సోముడ రామ సంగర భీకరా సురనుత!
పావనమౌ పదపద్మములన్ గొనె భక్తవర్యులు సత్కృపాల ఘన సు
ధీవర జ్ఞానపు తేజము నీయర దీనరక్షక శ్రీనిధీ సుధామ !
మావటి నీవని మాన్యులు దెల్పిరి మార్గదర్శన జేయుమా జనహిత !
భూవర జేసెద పూజలు బాగుగ మోదమొందుచు సుప్రభూ! నిరతిగ
శ్రీవర దీర్చర జింతలు శీఘ్రము ప్రీతితోడను శ్రీహరీ యవనికి !
రావయ వేగ లలామ గనంగను బ్రాకులాడుచునుంటిరా రఘువర !
శ్రావణ మాసపు సంబరమెల్లను రద్దు జేయక నీయరా నరవర !

నిన్ను గొల్చు వారినెపుడు సన్నుతింతు
పూర్వజుల మదిని నిలిపి మ్రొక్కు చుంటి
కందుల వరప్రసాదు హృన్మందిరస్థ
భక్త మందార ! శ్రీరామ! భవ్య తేజ!

గర్భస్థ అంబురూహ
భభభభ రసవ -యతి 13

రావణ మర్థన రాజిత సోముడ రామ! సంగర భీకరా !
పావనమౌ పదపద్మములన్ గొనె భక్తవర్యులు సత్కృపా!
ధీవర జ్ఞానపు తేజము నీయర దీనరక్షక శ్రీనిధీ !
మావటి నీవని మాన్యులు దెల్పిరి మార్గదర్శన జేయుమా !
భూవర జేసెద పూజలు బాగుగ మోదమొందుచు సుప్రభూ! 
శ్రీవర దీర్చర జింతలు శీఘ్రము, ప్రీతితోడను శ్రీహరీ  !
రావయ వేగ లలామ గనంగను బ్రాకులాడుచునుంటిరా !
శ్రావణ మాసపు సంబరమెల్లను రద్దు జేయక నీయరా !