కౌముది వృత్త ద్వయ గర్భ సీసము

కౌముది వృత్త ద్వయ గర్భ సీసము

కనగ భూమీశునన్ గన్నులన్ వినగ సద్భోధనల్ వీనులన్ పొంకమలర
ఘనముగా పాడు జక్కాని వత్సనుని సన్మార్గమున్ సర్వదా మరలుగొనుచు
తనువు సేవించు సత్కారణా యనుచు దేదీప్య రామార్యునన్ తృప్తి నొంది
మునుగు విభ్రాంతి ముప్రొద్దులన్ గెనయు దేహమ్ము సత్కీర్తినన్ హంసవోలె

పలుకు బలుకు లందు పంచదార లొలుకు
రామనామము గొని రక్తి తోడ
పట్టు కొన్న ముందు పన్నగ శయనుని
యెరుపు నలుపు దెలుపు నెరుక గలుగు!

కౌముది వృత్త ద్వయము ( నతతగ యతి 8)
1.
కనగ భూమీశునన్ గన్నులన్ వినగ సద్భోధనల్ వీనులన్ 
ఘనముగా పాడు జక్కాని వ
త్సనుని సన్మార్గమున్ సర్వదా
2. 
తనువు సేవించు సత్కారణా యనుచు దేదీప్య రామార్యునన్
మునుగు విభ్రాంతి ముప్రొద్దులన్
గెనయు దేహమ్ము సత్కీర్తినన్ !