మణిగణనికరము (శశికళ), కందము గర్భ అతి వినయ వృత్తము

మణిగణనికరము (శశికళ), కంద గర్భ అతి వినయ వృత్తము
కందము కూడా..

అతి వినయ వృత్తము (నననన న స గణములు యతి 11)

కలడు కలడు వరదుడు గగనమున కలయై
కలదు కలదు వర కనక కరము వరమిడన్
పలుకు పలుకు పసిడి విభవము గద వలదే
వలదు వలదు వశి దరి భవభయము మనసా!

గర్భస్థ మణిగణనికరము (నననన స గణములు యతి 11)

కలడు వరదుడు గగనమున కలయై 
కలదు వర కనక కరము వరమిడన్
పలుకు పసిడి విభవము గద వలదే
వలదు వశి దరి భవభయము మనసా!

గర్భస్థ కందము

కలడు వరదుడు గగనమున/ కలయై కలదు వర కనక కరము వరమిడన్
పలుకు పసిడి విభవము గద/ వలదే వలదు వశి దరి భవభయము మనసా!


అర్థం :- వివధము = మార్గం
విభవము= సంపద , కల = భాగము,

భావము :- కరి వరదుడు విశ్వమంతయూ నిండి యుండెను, వరము నిడు కరము అదే స్థితి (పైకి ఎత్తి) లో నున్నది. వరదుని నామములు పసిడి సమములు వినవే, వాని దరి భవభయముల పని లేదు మనసా!