కంద ద్వయ రుగ్మవతీ, కమలవిలసిత గర్భ క్రౌంచపద వృత్త

క్రౌంచపద వృత్తము (1, 11 మరియు 19 యతులు )

చోరిత నీతం శోభిత శూరా! సురవర నరవర శుభకర ధీరా!
సారథి నీవై శాసక చారీ! సరగున హరియన సరసకు రారా!
గారము తోడన్ కాల నిగారా! కరి వర ధర నను కరుణను బ్రోవా!
భారమ దేవా? పాప నివారా! వరములనిడ ఘన వర కర తేజా!

గర్భస్థ కంద ద్వయము

చోరిత నీతం శోభిత
శూరా! సురవర నరవర శుభకర ధీరా!
సారథి నీవై శాసక
చారీ! సరగున హరియన సరసకు రారా!

కం//2//
గారము తోడన్ కాల ని
గారా! కరి వర ధర నను కరుణను బ్రోవా!
భారమ దేవా? పాప ని
వారా! వరములనిడ ఘన వర కర తేజా!

గర్భస్థ రుగ్మవతీ వృత్తం (1,6యతి)

చోరిత నీతం శోభిత శూరా!
సారథి నీవై శాసక చారీ!
గారము తోడన్ కాల నిగారా!
భారమ దేవా? పాప నివారా!

గర్భస్థ కమల విలసిత వృత్తం (1,9 యతి)

సురవర నరవర శుభకర ధీరా!
సరగున హరియన సరసకు రారా!
 కరి వర ధర నను కరుణను బ్రోవా!
వరములనిడ ఘన వర కర తేజా!

క్రౌంచపద వృత్తము (1, 11 మరియు 19 యతులు )

భావము నీవే! భావి విభావా! వరముల నిడు ధర వరగుణ దాతా!
కావుము నీవే! కావలి గావా! కరహర యిడుముల కరుణను గన్మా !
జీవము నీవే! చేవల సేవా! శిరమున శివమని స్థిరముగ దాల్చే !
భూవర నీవే! బ్రోవుము మూవా! మురహర హరిహర పురహర దేవా!

గర్భస్థ కంద ద్వయము

భావము నీవే! భావి వి
భావా! వరముల నిడు ధర వరగుణ దాతా!
కావుము నీవే! కావలి
గావా! కరహర యిడుముల కరుణను గన్మా !


కందము 2

జీవము నీవే! చేవల
సేవా! శిరమున శివమని స్థిరముగ దాల్చే !
భూవర నీవే! బ్రోవుము మూవా! మురహర హరిహర పురహర దేవా!


గర్భస్థ రుగ్మవతీ వృత్తం (1,6యతి)

భావము నీవే! భావి విభావా!
కావుము నీవే! కావలి గావా!
జీవము నీవే! చేవల సేవా!
భూవర నీవే! బ్రోవుము మూవా! 

గర్భస్థ కమల విలసిత వృత్తం (1,9 యతి)
వరముల నిడు ధర వరగుణ దాతా!
కరహర యిడుముల కరుణను గన్మా !
శిరమున శివమని స్థిరముగ దాల్చే !
మురహర హరిహర పురహర దేవా!


****//**
భావి= భవిష్యత్తు ,విభావా= సూర్యుడు, చేవల సేవ = భుజ శక్తి తో చేయు సేవా భాగ్యము,
బ్రోవుము మూవా =  మము బ్రోచే మంచి ముత్యమా,

కమల విలసిత వృత్తం కు ముందు "భ గగ" గణములు చేరిస్తే మరో వృత్తం వస్తే గనక మరో వృత్తం కూడా గర్భగతంగా ఉన్నదండి.